Makalipas ng ilang linggong hindi pagpasok sa kadahilanang nagkaroon ng chicken pox, pumasok na rin sa wakas ang aking kaibigan si Ina. At dahil dun, pati na rin dahil sa kanyang kaarawan, ay nagkaroon na naman ng dinner ang Exotics pero sa kasamaang palad ay hindi na naman kami kumpleto.

Pagkatapos ng aming klase sa History of Art and Architecture, ay nagtungo na ang aming gang sa glorietta upang kumain. Sa Terriyaki Boy, doon kami napadpad, doon kami kumain ng aming hapunan pero para sa ilan ay miryenda lamang yun dahil pagkatapos naming kumain sa Terriyaki Boy, ay kumain na naman kami sa Pizza Hut Bistro pero sa pagkakataong ito ay KKB na kami. Umalis na rin si Ina at Clauds bago pa kami kumain ng pizza.

Sa tinagal tagal na rin ng pagkakaibigan namin ni Ina, at sa pagkakaalala ko na rin, ay ngayon lang ako nakatikim ng libre galing sa kanya kaya maraming maraming salamat junior! Sa susunod ulit na taon! *tawa* At sana makahabol ka na sa mga lectures natin lalo na sa mecdraw2 natin. =D